Batawang: DZTP Outreach Program III (by: saluyot of ilocanosphere May 9, 2009)

Agtultuloy ti panangisaysayangkat ti DZTP Radio Tirad Pass iti panangtulong kadagiti kakailian nangruna dagiti adda iti ginggenget iti banbantay iti ILocos Sur a narigat a matulongan ti gobierno.

Nagturong ti DZTP Outreach Program iti maysa kadagiti kaadaywan a lugan ti Ilocos Sur, iti sitio Battawang, barangay Dinwede West, Cervantes, Ilocos Sur.

Kaddua ti DZTP ti Citizens Involvement and Services (CIS), Seventh Day Adventist, ken DZTP Club 693.

Nangitugot ti tulong iti tulong kadagiti agindeg iti nasao a lugar pakairamanan ti ag-agas, relief goods, luplupot, seedlings, chitchiria ken dadduma pay.

Nagnagna ti grupo iti nasurok uppat nga oras manipud iti Suyo, Ilocos Sur ken dinaliasat ti rangkis a dalan ken nagdalan iti pito a hanging bridge tapno laeng madanon ti lugar a manmano a madanon.

Naragsak a pinasangbay dagiti agindeg ti sumurok-kumurang 100 a misionero ket dita a pinaturogda iti karabiananna.

Naliwliwa met dagiti nagturong iti Battawang iti birhen a buya ti aglawlaw ken dagiti naisangsangayan a nakaparsuaan.

Daytoy ti maikatlo a yuuli ti DZTP Outreach programa kadagiti naginget a lugat tapno laeng tumulong.

Umun-unan a naturong ti Kinbilibil, Daligan, Santa Cruz, Ilocos Sur ken sitio Cangao, Tiagan, San Emilio, Ilocos sur.